UzNews.uz'нинг Тошкент шаҳар ЙҲХББдаги манбасининг маълум қилишича, Товар-хомашё биржаси Авторақамлар онлайн аукционида 2021 йилнинг июнь ойидан бошлаб, автомашиналар учун махсус чиройли рақамларнинг нархларига чегирмалар белгиланди.
Акция ўтказилаётганлиги сабабли, республика бўйича рақамларнинг бошланғич нархи кескин камайтирилган.
Масалан, акцияга қадар бошланғич баҳо 24 млн 500 минг сўм қилиб белгиланган “чиройли” авторақамлар шу ойдан бошлаб 7 млн 350 минг сўмни ташкил қилади.
Чегирмали авторақамлар ҳақида Avtoraqam.uzex.uz сайтининг “Махсус таклифлар” (Спец.предложение) бўлимида танишиш мумкин.
