Ўзгидромет хабарига кўра, бугундан бошлаб республика ҳудудига Волгабўйи ҳудудларидан иссиқ ва қуруқ ҳаво кириб келади.
Ҳафта давомида Ўзбекистон бўйича асосан кам булутли об-ҳаво бўлиши кутилмоқда. Бутун давр давомида ҳарорат фони мақбул бўлади.
Ҳаво ҳарорати кечалари +22...+25 даража, кундуз кунлари +38...+41 даража, шимолда, жанубда ва чўл ҳудудларида баъзи жойларда +43 даражагача атрофида бўлади.
Бундай ҳарорат қийматлари июнь ойи охири - июль ойи бошидаги ўртача кўп йиллик қийматлардан 2-4 даражага кўп бўлади.
