Ўзгидромет хабарига кўра, май ойида Ўзбекистон ҳудудида бир нечта чангли бўрон ҳодисалари кузатилди. Тошкентда ҳам 29 май куни шиддатли кучли шамол ҳисобига чангли бўрон кузатилди.
Тошкент қурғоқчил ҳудуд бўлмасада сўнгги йилларда жадал суръатлар билан олиб борилаётган қурилишлар жуда катта миқдордаги қум ва чангнинг пайдо бўлишига сабаб бўлмоқда, улар ҳатто кучсиз шамол эсганда ҳам ҳавога кўтарилади.
Қайд этилишича, Ўзбекистонда бундай жараёнлар кўпинча баҳорда ва ёзнинг бошида ривожланиб, қурғоқчил ҳудудларда – чўл ва ярим чўл ҳудудларда кузатилади.
