19 сентябрь куни соат 19:40 ларда Magic city истироҳат боғи олдида тўхтаб турган Spark ҳайдовчисига ЙПХ ходими тўхтаб туриш мумкин эмаслигини, тирбандлик юзага келаётганлигини тушунтиради.
Ҳайдовчи А.Э. бунга жавобан такси фаолияти билан шуғулланишини айтиб ходимга эътироз билдирган ва ўзаро тортишув келиб чиққан.
ЙҲХББ Ахборот хизмати хабарига кўра, ҳайдовчи ЙПХ ходимининг қонуний талабларини бажармаган. Жараёнга бошқа ЙПХ ходимлари ҳам аралашган. Фуқаро А.Э. туман ИИО ФМБга олиб борилган ва тегишли ҳужжатлар расмийлаштирилган.
22 сентябрь куни Жиноят ишлари бўйича Чилонзор тумани суди томонидан тегишли ҳужжатлар ўрганилиб, ҳайдовчи Маъмурий жавобгарлик тўғрисидаги Кодекснинг 183 ҳамда 194-моддаларида кўрсатилган ҳуқуқбузарликни содир қилганликда айбли деб топилиб, унга нисбатан БҲМнинг 3 баравари миқдорида жарима жазоси тайинланди.
