ФВВ Матбуот хизматининг хабарига кўра, бугун, 5 август куни соат 09:00 да Тошкент вилояти Ангрен шаҳри 5/1 даҳасида жойлашган 9 қаватли уйнинг 6-қаватида ёнғин содир бўлди.
ФВВнинг ёнғин-қутқарув гуруҳлари воқеа жойига беш дақиқа ичида етиб келди.
Бир неча дақиқа ичида 25 нафар фуқаро хавфсиз жойга олиб чиқилиб, ёнғин соат 09:38 да тўлиқ бартараф этилди. Ёнғин оқибатида хонадоннинг 50 кв.метр майдони зарарланган.
Ёнғиндан жабрланганлар ва ҳалок бўлганлар йўқ. Ҳозирда мутахассислар томонидан ёнғин сабаби аниқланмоқда.