Бугун, 27 июль куни соат 14:20 ларда, Тошкент вилояти, Оҳангарон тумани ҳудудидан ўтган А-373 автомобиль йўлида Captiva ҳайдовчиси бошқарувни йўқотган ва йўлдан чиқиб кетиб, ағдарилган. Бу ҳақда ИИВ ЙҲХББ Ахборот хизмати хабар берди.
ЙТҲ натижасида автомобиль ҳайдовчиси ва 4 нафар йўловчиси биринчи тез тиббий ёрдам кўрсатиш учун шифохонага олиб кетилган.
ЙТҲ бўйича суриштирув олиб борилмоқда.
