2021 йил 7 июнь куни Самарқандда икки нафар ТikTok’чи давлат органлари ҳақида номақбул сўзлар айтгани акс этган видеолавҳа тарқалди, дея хабар берди Самарқанд вилояти ИИБ.
Ҳолат бўйича ўрганиш олиб борилиб, айбдорлар жазоланди.
"Мент" сўзини ишлатганмиз, аммо ўзимиз унинг маъносини билмаганмиз. Ички ишлар ходимлари ватанимиз учун қанчалик хизмат қилаётганлиги ҳақида хабарим бор. Қилган ишимдан чин кўнгилдан пушаймонман. Мени кечиришларини сўраб қолган бўлардим", – дейди Tik Tok'чи.
Уларга нисбатан Маъмурий жавобгарлик тўғрисидаги кодекснинг 183-моддасига асосан 7 сутка маъмурий қамоқ жазоси тайинланган.
