Ургут туманида Қоратепа маҳалласида яшовчи 18 ёшли йигит таваккалчиликка асосланган ўйинга ўғирлаган қарийб 20 млн сўмни тикиб юборди. Бу ҳақда Самарқанд вилояти ИИБ Ахборот хизмати хабар берди.
Аниқланишича, у Самарқанд шаҳрида кечаси қаровсиз қолдирилган Damas’дан 1700 АҚШ долларини ўғирлаб, тотализаторга тикиб, ютқазганидан сўнг 13 июль куни яна ўғриликка қўл уради. Бу сафар у қаровсиз қолдирилган Spark’дан 2,5 млн сўмни ўғирлаган.
Унга нисбатан Жиноят кодексининг 169-моддаси 3-қисми “а” банди билан жиноий иш қўзғатилган.
Аввалроқ, Самарқандда аёл эрининг 500 млн сўм пулини тотализаторда ютқазиб қўйганди.
