Қарши шаҳрида енгил ва юк машиналари тўқнашди. Бу ҳақда ИИВ ЙҲХББ Матбуот хизмати маълум қилди.
Жорий йилнинг 2 август куни соат 14:50 да Қашқадарё вилояти Қарши шаҳар Ислом Каримов ҳамда Амир Темур кўчалари кесишган чорраҳада ҳайдовчи Э.Д. бошқарувидаги MAN юк автомобили ҳамда И.У. бошқарувидаги Nexia-3 иштирокида тўқнашув содир бўлди.
Натижада, И.У. тан жароҳати билан шифохонага ётқизилди. Мазкур ЙТҲ юзасидан суриштирув ҳаракатлари олиб борилмоқда.
