Кеча, 27 май куни соат 14:55 ларда Яккасарой тумани Бобур кўчасида 53 ёшли Зокиржон П. бошқарувидаги Nexia ва 48 ёшли Ҳамидулла Ф. бошқарувидаги Isuzu йўловчи автобуси тўқнашган. Бу ҳақда пойтахт ИИББ Ахборот хизмати хабар берди.
ЙТҲ оқибатида Nexia ҳайдовчиси воқеа жойида вафот этган.
Шунингдек, кеча, 27 май куни соат 21:30 да Яшнобод тумани Қорасув кўчасида Matiz ҳайдовчиси пиёдани уриб юборган.
Оқибатда, Наманган вилоятида туғилган 42 ёшли Я.Л. олган тан жароҳатлари билан шифохонада вафот этган.
Ушбу ҳолатлар бўйича Жиноят кодексининг 266-моддаси 2-қисми аломатлари билан жиноят иши қўзғатилган. Тергов олиб борилмоқда.
