Бугун, 19 июнь куни Миллий терма жамоа фаолиятига бағишланган матбуот анжумани бўлиб ўтди.
Ушбу анжуманда Ўзбекистон миллий терма жамоаси сардори Одил Аҳмедов терма жамоанинг ЖЧ-2022 саралаш босқичидаги ўйини ҳақида гапириб, ўзбек футболининг энг катта муаммоси - бу болалар футболи тўғри йўлга қўйилмагани эканлигини таъкидлади.
Шунингдек, у сўзининг якунида терма жамоадаги фаолиятини якунлаганини айтди.
Эслатиб ўтамиз, аввалроқ ЖЧ-2022 саралаш босқичида Саудия Арабистони терма жамоаси Ўзбекистонни йирик ҳисобда мағлуб қилгани ҳақида хабар берган эдик.
