Наманган вилояти ИИБ Матбуот хизматининг хабарига кўра, 2021 йил 4 октябрь куни соат 18:30 ларда Бурилма-Учқўрғон йўлида "Москвич-412" русумли автомашинани ишонч қоғози билан бошқариб бораётган ҳайдовчининг ҳаракати вақтида 3-синф ўқувчиси мазкур автомобилнинг йўлига чиқиб юборган.
Натижада, хайдовчи ҳаракат йўналишини ўзгартириб, қарама-қарши йўналишга чиқиб кетган ва қаршисидан ҳаракатланиб келаётган 55 ёшли фуқаро бошқарувидаги Nexia-2 билан тўқнашган.
ЙТҲ оқибатида, иккала автомашиналар орасида қолиб кетган 2010 йилда туғилган ўқувчи қиз оғир тан жароҳати олиб, воқеа жойида вафот этган.
Ушбу ҳолат бўйича ЖКнинг 266-моддаси 2-қисми билан жиноят иши қўзғатилган.
