Наманган вилояти ФВБ Матбуот хизматининг хабар беришича, 2021 йил 11 июль куни вилоятдаги Уйчи тумани “Ўнхаят” МФЙ Шодёна кўчасида яшовчи 26 ёшли Р.Р ҳамда яна 2 нафар фуқаролар тумандаги "Қумтепа" МФЙ ҳудудидан оқиб ўтган “Норин” дарёсига тушиб, оқиб кетган.
Уларнинг 2 нафари маҳаллий аҳоли томонидан қутқариб олинган. Аммо, Р.Р дарёга чўкиб, ҳалок бўлган.
ФВБ қутқарувчилари Р.Р.нинг жасадини дарёнинг 2,5 метр чуқурлигидан топишган.
Эслатиб ўтамиз, аввалроқ, Фарғонада 22 ёшли келин ўзини каналга ташлагани ва унинг жасади 3 кунда топилгани ҳақида хабар берган эдик.
