Аввалроқ, Тошкентдаги метрода 13 ёшли қизга тегажоғлик қилгани айтилган шахс қидирувга берилгани ҳақида хабар бергандик.
ИИВ Матбуот хизматининг хабар беришича, ушбу шахс қўлга олинган бўлиб, у илгари ЖКнинг 166 (талончилик), 169 (ўғирлик) ҳамда 127 (вояга етмаган шахсни ғайриижтимоий хатти-ҳаракатларга жалб қилиш) моддаларида кўрсатилган жиноятларни содир этганлиги учун судланган, Тошкент шаҳрининг Олмазор туманида яшовчи, 33 ёшли К.Ш. эканлиги аниқланди.
Ҳозирда, К.Ш.нинг ҳаракатларида вояга етмаган шахсга нисбатан уятсиз-бузуқ ишлар қилишга уриниш жиноятининг аломатлари мавжудлиги текширилмоқда.
