Поиск
RUUZ

Экономика

Июнь ойида сезиларли арзонлаган маҳсулотлар маълум бўлди

Гўшт, шакар, қандолат маҳсулотлари, салқин ичимликлар қимматлаган.

487views0replies
0

UzNews.uz

2021 йилнинг июнь ойида истеъмол бозоридаги товарлар ва хизматлар ўртача 0,2 % га арзонлашди. Ушбу ҳолат асосан мавсумий омил билан белгиланади. Бу ҳақда Давлат статистика қўмитасининг маълумотларида келтирилмоқда.  
Статистикага кўра, нархлар пасайиши мевалар ва ёнғоқлар (-3,8 %), ёғ-мой маҳсулотлари (-2,8 %), сабзавотлар, илдизмевалилар, плантайнлар ва дуккаклилар (-2,6 %), ҳамда сут маҳсулотлари ва тухумда (-1,6 %) кузатилди.
Июнь ойида асосий озиқ-овқат маҳсулотларидан (мева-сабзавотлардан ташқари) тухум нархлари сезиларли даражада арзонлашган (-7,6 %). Ўсимлик ёғи нархларини барқарорлаштириш бўйича амалга оширилган комплекс чора-тадбирлар натижасида, уларнинг нархлари ушбу даврда республика бўйича ўртача 3,6 фоизга арзонлашди.
Шунингдек, июнда товуқ гўшти (-0,1 % дан -0,5 % гача), янги соғилган сут (-0,3 %), музлатилган балиқ, гречка (-0,2 %), творог, гуруч ва гуруч оқшоғи (-0,1 %) нархларида пасайиш қайд этилди.
Бошқаларга нисбатан, гўшт маҳсулотлари, шакар, қандолат маҳсулотлари сезиларли (0,4 %) даражада ошган. Хусусан, салқин ичимликлар (0,9 %), шакар (0,8 %), мол гўшти (0,6 % - 0,7 %) ва қўй гўшти (0,4 %) қимматлашди.
487views0replies
0

Комментарии