Шавкат Мирзиёевнинг таклифига биноан Туркманистон президенти Гурбангули Бердимуҳамедов бугун, 4 октябрь куни расмий ташриф билан Ўзбекистонга келди.
Ислом Каримов номидаги Тошкент халқаро аэропортида олий мартабали меҳмонни президент Шавкат Мирзиёев кутиб олди.
Давлат раҳбарлари Мустақиллик майдонига ташриф буюриб, Мустақиллик ва эзгулик монументи пойига гул қўйди.
Ўзбекистон ва Туркманистон президентларининг музокаралари эртага, 5 октябрь куни Кўксарой қароргоҳида бўлиб ўтади.
Ташриф давомида қатор тадбирлар, хусусан ўзбек-туркман иқтисодий форуми ўтказилади.
