Ижтимоий тармоқларда Андижон шаҳар ИИБ 4-бўлим ходимлари томонидан фуқаро калтаклангани акс этган видеолавҳа тарқалди.
Бош прокуратура матбуот котибининг хабар беришича, мазкур ҳолат юзасидан бугун, 14 сентябрь куни Жиноят кодексининг 109-моддаси (қасддан баданга енгил шикаст етказиш) билан жиноят иши қўзғатилган.
Ҳозирда тергов ҳаракатлари олиб борилмоқда. Ҳолат бўйича Андижон вилоят прокуратураси томонидан назорат ўрнатилган.
