Ўзгидромет маълумотларига кўра, 27 сентябрдан бошлаб Ўзбекистонда ҳаво ҳарорати пасайиши кутилмоқда.
Шу куни айрим вилоятларда (Қорақалпоғистон Республикаси ва Хоразм вилояти) кундузи ҳаво ҳарорати +18 даражагача, кечаси эса +7 даражагача пасаяди.
Тошкентда эса кундузи +23…+25 даража, кечаси +13…+15 даража иссиқ бўлиши кутилмоқда.
Самарқанд, Жиззах, Сирдарё, Бухоро, Навоий ва бошқа вилоятларда кундузи ҳаво ҳарорати +23…+28, кечаси +10…+15 даража илиқ бўлади.
Шунингдек, тоғли ҳудудларда кундузи ҳарорт +13 даражагача пасаяди.
Мамлакатнинг деярли ҳамма жойида об-ҳаво бироз булутли бўлади, ёғингарчилик бўлмайди. Ёмғир фақат Тошкент вилоятининг тоғли ҳудудларида ёғиши мумкин. Шамол тезлиги 7-12 м/с, баъзи жойларда 17-22 м/с гача кучайиши мумкин.