Бош прокуратура ҳузуридаги Департаментнинг Олмалиқ шаҳар бўлими томонидан ўтказилган тезкор тадбирда тендерни ютиб беришни ваъда қилган фирибгар ушланди.
Аниқланишича, фуқаро У.Х. МЧЖ раҳбари У.нинг ишончига кириб, унга $12,5 минг эвазига Қуйи Чирчиқ ва Юқори Чирчиқ туманларидаги кўчаларни жорий таъмирлаш учун ўтказиладиган электрон савдоларда қатнашиб, қиймати 2,5 млрд сўмлик иш ҳажмини танишлари орқали олиб беришни ваъда қилган. Фирибгар олдиндан $1,5 мингни олган вақтида ашёвий далиллар билан ушланган.
Ушбу ҳолат бўйича Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.