Бухородан Тошкентга қараб йўлга чиққан "Aфросиёб" электропоезди техник носозликка учради. Бу ҳақда "Ўзтемирйўлйўловчи" AЖ Матбуот хизмати маълум қилди.
Қайд этилишича, 2020 йил 14 ноябрь куни “Бухоро – Тошкент” йўналишида ҳаракатланаётган 765–сонли "Aфросиёб" электропоездида техник носозлик кузатилган. Шу сабабли поезд соат 08:11 да “Бахт” станциясида тўхтаган.
Носозликни бартараф қилиш чоралари кўрилган ва соат 09:50 да "Aфросиёб" электропоезди йўналиши бўйлаб ҳаракатини давом эттирган.
"Ўзбекистон темир йўллари" AЖ раҳбарияти юзага келган ноқулайлик учун йўловчилардан узр сўрамоқда.
