Президентнинг 2020 йил 16 ноябрдаги ПФ-6111-сон Фармони билан Алишер Мақсудов Ўзбекистон Экология ва атроф-муҳитни муҳофаза қилиш давлат қўмитаси раиси этиб тайинланди. Бу ҳақда қўмита Матбуот хизмати хабар берди.
Алишер Мақсудов шу кунга қадар “Ўзпахтасаноат” АЖ бошқаруви раиси лавозимида фаолият юритган.
11 ноябрь куни Олий Мажлис Қонунчилик палатасининг мажлисида депутатлар Экология ва атроф муҳитни муҳофаза қилиш давлат қўмитаси раиси лавозимига Алишер Мақсудов номзодини маъқуллаш ҳақида қарор қабул қилганди.
Эслатиб ўтамиз, Ўзбекистон экология ва атроф-муҳитни муҳофаза қилиш давлат қўмитаси раиси лавозимида ишлаб келган Шавкат Шокиржонович Абдураззоқов Наманган вилояти ҳокими вазифасини вақтинча бажарувчи этиб тайинланганди.
