Ижтимоий тармоқларда бир нечта қизларнинг ўзаро жанжаллашаётгани акс этган видео муҳокамаларга сабаб бўлди.
Тошкент шаҳар ИИББ хабарига кўра, 28 сентябрь куни соат тахминан 17:30 ларда 17 ёшли Шаҳризода Я. танишлари билан Чилонзор туманидаги “Бунёдкор” стадиони олдидаги автотураргоҳда учрашади.
Шаҳризода Я. 17 ёшли Рухшона Б. уни ижтимоий тармоқлар орқали ҳақорат қилгани учун у билан орани очиқ қилмоқчи бўлган. Шу тариқа оғзаки тортишув ўзаро жанжалга айланиб кетган.
Ҳозирда ҳолат бўйича текширув ўтказилмоқда.
Аввалроқ, Тошкентда икки мактаб ўқувчилари ҳам Telegram’да бошланган жанжал ортидан кўчадан муштлашишганди.