Жорий йил бошида Тошкент вилояти Чирчиқ шаҳрида вақтинчалик яшовчи 39 ёшли М.М. Facebook’да Ўзбекистон президенти Шавкат Мирзиёев номидан сохта профиль очиб, ўзини президент администрацияси раҳбари деб таништирган ҳолда, тармоқ фойдаланувчиларига турли масалаларда, айниқса, уй-жой ва банк кредитлари ажратиш бўйича амалий ёрдам кўрсатилишини ваъда қилиб, улардан 50 минг сўмдан 1,5 млн сўмгача бўлган маблағларни пластик картасига туширган ҳолда ўзлаштиргани учун қўлга олингани ҳақида хабар бергандик.
Тошкент вилояти ИИББ Ахборот хизмати хабарига кўра, Чирчиқ туман суди фирибгарга нисбатан ҳукм ўқиди.
Суд ҳукмига кўра, 39 ёшли М.М. 3 йил муддатга озодликдан маҳрум қилинди. Бундан ташқари, унга 3 йил муддатга Интернетдан фойдаланишни чеклаш жазоси тайинланди.