Халқаро пресс-клуб раиси Шерзод Қудратхўжаев ўз фамилиясидаги “-ев” қўшимчасидан воз кечди, дея ёзмоқда Hudud24 нашри ”Ўзбекистон 24” радиоэфирига таяниб.
“Мен ҳозиргина Давлат хизматлари агентлигида ўз ҳуқуқимдан фойдаланиб шуни расмийлаштирдим. Биз ўзлигимизни англамас эканмиз, миллий ғурурни хис қилмас эканмиз, ҳеч қачон ривожланмаймиз”, - деди Шерзод Қудратхўжа.
У “Ўзбекистон 24” радиоканали эфирида бу ҳақида изоҳ берар экан, энди ўзлигини топганини ва бундан буён унинг фамилияси Қудратхўжа деб юритилишини маълум қилди.
Халқаро пресс-клуб раҳбари Шерзод Қудратхўжаев 2018 йилдан бери Ўзбекистон журналистика ва оммавий коммуникациялар университети ректори сифатида фаолият юритиб келмоқда.