Ички ишлар вазири Азиз Анварович Тошпўлатов Ўзбекистон волейбол федерацияси раиси этиб сайланди. Бу ҳақда Спорт вазирлиги матбуот хизмати хабар бермоқда.
Бу ҳақда ташкилотнинг Ички ишлар вазирлиги академиясида бўлиб ўтган навбатдан ташқари конференциясида маълум қилинди.
Шунингдек, тадбир доирасида "Беш ташаббус олимпиадаси" доирасида ўтказилиши режалаштирилган ички ишлар вазирининг волейбол бўйича кубоги мусобақаларига старт берилди.
Эслатиб ўтамиз, Азиз Тошпўлатов шу йилнинг март ойи бошида ички ишлар вазири этиб тайинланган эди. Бунга қадар у пойтахт ИИББ бошлиғи лавозимида ишлаган.
