ФИФА Халқаро футбол федерациясининг 3 апрель куни эълон қилинган янгиланган рейтингига кўра, Ўзбекистон терма жамоаси 57-ўринга кўтарилди. Бу сўнгги деярли тўққиз йил ичидаги энг яхши кўрсаткич.
Терма жамоа бундан олдин 2016 йил октябрь ойида жаҳон рейтингида 48-ўринни эгаллаб, энг юқори поғонада турган эди.
Осиё футбол конфедерациясида Ўзбекистон миллий терма жамоаси энг кучли ўнталикка кирди.
Рейтинг жадвалининг юқори қисмида Аргентина, Испания ва Франция терма жамоалари ўрин эгаллаган.
