Исроил кучлари Суриянинг Дераа вилоятининг Нава аҳоли пунктига зарба бериши оқибатида ўн киши ҳалок бўлди, дея хабар бермоқда Syria TV телеканали.
"Исроил кучларининг шаҳар ғарбидаги ўрмонли Жобаилия ҳудудига уюштирган ҳаво ҳужумлари оқибатида Нава аҳолисидан ўн киши ҳалок бўлди," - дейилади хабарда.
Куни кеча Исроил авиацияси Дамашқ шимолидаги Масакин-Бизри ҳудудидаги ҳарбий обектга зарба берди. Аниқланишича, ҳужум оқибатида кучли портлаш содир бўлган, у Дамашқ ва унинг атрофида эшитилган.