Таиланднинг Бангкок шаҳридаги кўп қаватли бино юз берган кучли зилзила вақтида қулаб тушди. Тармоққа тушиб қолган кадрларда деярли қуриб битказилган ўнлаб қаватли осмонўпар бино бутунлай қулаб тушган.
АҚШ Геология хизмати маълумотларига кўра, сейсмологик ҳодиса магнитудаси 7,7 баллни ташкил этган. Зилзила маҳаллий вақт билан соат 13:20 да бошланган. Зилзила ўчоғи 10 километр чуқурликда бўлган. Ер силкинишлари нафақат кўплаб биноларга турли даражада зарар етказди, балки Бирмадаги кўприкни ҳам вайрон қилган.
Бангкокдаги меҳмонхоналардан туристлар эвакуация қилина бошланган. Таиланд пойтахтида кучли силкинишлар тахминан беш дақиқа давомида сезилган.