Аввалроқ, Тошкенидаги кафелардан бирининг ёнида бир эркак бошқа бир эркакни уриб, тан жароҳати етказгани ҳақида хабар қилгандик. Тошкент шаҳар ИИББ хабарига кўра, гумонланувчи эркак қўлга олинган.
Яккасарой туманида содир этилган жиноят бўйича олиб борилган тергов ҳаракатлари давомида 1995 йилда туғилган А.Ш. терговдан қочиб яширинганлиги сабабли унга нисбатан сиртдан ЖКнинг 277-моддаси (безорилик") ва 104-моддаси (қасддан баданга оғир шикаст етказиш) билан айб эълон қилиниб "қамоққа олиш" эҳтиёт чораси қўлланган.
Ҳуқуқни муҳофаза қилувчи орган ходимлари томонидан олиб борилган тезкор тадбирлар натижасида А.Ш. Қозоғистонда ушланди. Ҳозирда уни Тошкент шаҳрига экстрадиция қилиш чоралари кўрилмоқда.