Боливиянинг Томайкури шаҳри яқинидаги автомобиль йўлида автобус қояга бориб урилиши натижасида ЙТҲ содир бўлди ва бунинг оқибатида 13 киши ҳалок бўлди, 20 киши жароҳатланди. Бу ҳақда Эрбол портали Потоси полиция бошқармасига таяниб хабар берди.
Аниқланишича, автобус Сукредан Орурога кетаётган вақтда ёмғир ёғиб юзага келган кўчкилар туфайли у чуқурга тушиб кетган, шундан сўнг тоғга бориб урилган.
"Тахминан 20 нафар ярадор касалхонага ётқизиш учун Ляллагуага етказилди, ҳозирча 13 киши ҳалок бўлгани айтилмоқда," - дейилади полиция маълумотида.
