АҚШнинг Теннесси штатида жабрланувчининг айтишича, унинг ити тўшакда ётган вақтида ўқотар қурол билан оёғига ўқ узган. Мемфис полиция бошқармасининг маълумотларига кўра, полиция ходимлари 10 март куни эрталаб соат 4:00 атрофида Уитни-авенюдаги эркакнинг уйига "тасодифий жароҳат" ҳақида хабар билан келишган. Бу ҳақда People.com нашри хабар берди.
Эркак полициячиларга каравотда дам олаётганда унинг ити каравотга сакраган вақтда итнинг панжаси ўқотар қуролнинг хавфсизлик тутқичига тиқилиб қолиши қибатида қуролдан ўқ отилиб кетганини айтган.
Полиция маълумотларига кўра, шахси аниқланмаган эркак чап сонининг юқори қисмидан жароҳат олган.
Полиция маълумотларига кўра, воқеа жойига қутқарувчилар етиб келган ва улар жароҳатланган эркакга биринчи ёрдам кўрсатишган. Шундан сўнг, у нохуш ҳолатда маҳаллий шифохонага етказилган.
"Теннесси штати ички хавфсизлик департаменти ўқотар қуролларни "хавфсиз ва ишончли сақлаш"ни қурол эгаларининг энг муҳим мажбуриятларидан бири деб ҳисоблайди," - дейилади хабарда.
