Бугун, 11 мартдан 12 мартга ўтар кечаси футбол бўйича Элит Осиё чемпионлар лигаси нимчорак финал босқичи жавоб учрашувида Тошкентнинг "Пахтакор" клуби Ар-Риёдда Саудия Арабистонининг "Ал Ҳилол" жамоасига қарши баҳс олиб боради.
Ушбу учрашув Ар-Риёддаги "Kingdom Arena" стадионида соат 01:00 да бошланади.
Шунингдек, "Пахтакор" клуби раиси Жаҳонгир Ортижхўжаев ҳам жамоа ўйинини бевосита стадиондан туриб томоша қилиш учун Саудия Арабистонига йўл олган.
Эслатиб ўтамиз, икки жамоа ўртасида Тошкентда бўлиб ўтган дастлабки учрашувда "Пахтакор" рақибларини 1:0 ҳисобида мағлуб этган эди.