5 март куни “Внуково” аэропортида Uzbekistan Airways АЖ самолётидан ҳаво кўпригини тортиб олиш вақтида чап двигатель шикастланган.
Қайд этилишича, самолёт Москвадан Тошкентга учишни режалаштираётган бўлган. Рейс техник сабабларга кўра бекор қилинишига мажбур бўлди. Авиакомпания томонидан йўловчилар 5 ва 6 март кунлари амалга оширилган муқобил рейслар ўтказлди.
Москва вилоятлараро транспорт прокуратураси маълумотларига кўра, ҳозирда самолёт “Внуково” аэропортида бўлиб, унинг техник ҳолати текширилмоқда.
Москва транспорт прокуратураси тергов ишларини олиб бормоқда.
Воқеанинг барча ҳолатлари аниқлангач, прокуратура аэропорт ходимларининг ҳаракатларига баҳо беради.