Норвегиялик шахматчи Магнус Карлсен рапид бўйича жаҳон чемпионатида можарога сабаб бўлган жинси шимини 36 100 долларга сотди. Тушган маблағлар хайрия жамғармасига йўналтирилади, дея хабар бермоқда Forbes нашри.
"36 100 долларга сотилди," деб ёзди Карлсен ижтимоий тармоқда. Жинси шими eBay онлайн-аукционида сотилган, уларга жами 94 та ариза келиб тушган. Тушган маблағлар Big Brothers Big Sisters хайрия ташкилотига йўналтирилади.
Эслатиб ўтамиз, ўтган йил 28 декабрь куни Карлсен Нью-Йоркда бўлиб ўтаётган рапид бўйича жаҳон чемпионатидан дисквалификация қилинган ва кийиниш қоидаларини бузгани учун 200 доллар жаримага тортилганди.
Норвегиялик Нью-Йоркдаги турнирга жинси шимда келди ва кийимини ўзгартиришдан бош тортди. Карлсен эртаси куни кийимини алмаштиришни режалаштирганини айтди, аммо ташкилотчилар ундан иложи борича тезроқ кийим алмаштиришни талаб қилишди ва бу у учун принципиал масалага айланди.
Кейинчалик Карлсен блитц бўйича жаҳон чемпионатида иштирок этишдан бош тортди ва Халқаро шахмат федератсияси (FIDE) шафелигидаги турнирларда бошқа ўйнамаслигини айтди. Бироқ, шундан сўнг кийиниш қоидалари юмшатилди ва норвегиялик турнирда қатнашиб, россиялик Ян Непомняший билан биринчи ўринни бўлишди.