Поиск
RUUZ

Погода

Ўзбекистонда март ойи совуқ ёмғирли ҳаво билан бошланади

Синоптикларнинг хабар беришича, якшанба куни республиканинг аксарият ҳудудларида ёмғир ёғиши, ҳаво ҳарорати меъёрдан паст бўлиши кутилмоқда.

112views0replies
0

UzNews.uz

Ўзгидромет хабарига кўра, Қорақалпоғистон, Хоразм вилоятида баъзи жойларда қор ёғади, Бухоро, Навоий вилоятларида бироз ёғингарчилик (ёмғир, қор) бўлиши мумкин. Республиканинг қолган ҳудудларида ёғингарчиликсиз об-ҳаво бўлиши кутилмоқда. 
1 март – шанба куни республика ҳудудининг катта қисмида ёғингарчилик кутилмайди, фақат Қорақалпоғистон ва Хоразм вилоятида баъзи жойларда ёғингарчилик (ёмғир, қор) бўлади.
2 март – якшанба куни республиканинг кўпчилик вилоятларида (Фарғона водийсидан ташқари) ёғингарчилик бўлади. Марказий вилоятларда ва республика жанубида куннинг иккинчи ярмида ёғингарчилик бўлиши кутилмоқда.
Ҳудуднинг катта қисмида шанба ва якшанба кунлари ҳаво ҳарорати 2-3 даражага кўтарилади, аммо ҳали ҳам меъёрий қийматлардан паст бўлади.
Республиканинг шимоли-ғарбий ва чўл ҳудудларида яна совуқ ҳаво кириб келиши ҳисобига ҳаво ҳарорати аста-секин пасаяди ва Қорақалпоғистон, Хоразм вилоятида якшанба куни кечаси 7-12 даража совуқни, кундузи 3 даража совуқ, 2 даража илиқни, Бухоро, Навоий вилоятларида кечаси 2 даража совуқ, 3 даража илиқни, кундузи 0-5 илиқни ташкил этади.
Республиканинг айрим жойларига туман тушиши мумкин. Шамол 7-12 м/с тезликда эсади, 28 февраль ва 2 март кунлари баъзи жойларда 15-20 м/с гача кучаяди.
Тошкентда 28 февраль ва 2 мартда асосан қуруқ об-ҳаво кузатилади, фақат 2 март куни кечқурун ёғингарчилик бўлиши мумкин, шамол тезлиги  10-12 м/с гача кучаяди. Ҳарорат 28 февралда 6-8 даража илиқ, 1-2 мартда 8-10 даража илиқ бўлади. Ҳарорат асосан кечалари 1 даража совуқ, 2 даража илиқ бўлади.
112views0replies
0

Комментарии