Исроил армияси Ғазо секторида ҳар қандай вақтда шиддатли жанговар ҳаракатларни қайта бошлашга тайёр, тезкор режалар аллақачон ишлаб чиқилган. Бу ҳақда Исроил бош вазири Бинямин Нетаняху маълум қилди, Бу дея хабар бермоқда ТАСС.
Офицерлик курслари битирувчилари олдида нутқ сўзлар экан, Нетаняху операциянинг асосий вазифалари аввалгидек қолишини таъкидлади.
"Барча гаровга олинганларни қайтариш ва ҲАМАСни тўлиқ тор-мор қилиш, ғалабага музокаралар йўли билан ҳам, бошқа йўллар билан ҳам эришиш мумкин. Биз ҳар қандай вақтда шиддатли жанговар ҳаракатларга қайтишга тайёрмиз. Оператив режалар аллақачон ишлаб чиқилган," - деди Нетаняху.
Бинямин Нетаняху ҳарбий ва сиёсий босимнинг комбинацияси ўғирланганларнинг озод қилинишига олиб келишига ишонч билдирди. Унинг таъкидлашича, Исроил ҳарбийларининг ҳаракатлари, шунингдек, АҚШ президенти Доналд Трампнинг қўллаб-қувватлаши яқинда гаровга олинганларнинг озод қилинишига ёрдам берган. Бош вазир барча гаровга олинганларни қайтариш вазифаси бажарилишига ваъда берди.
Бундан ташқари, Нетаняху Америка етакчисининг барча фаластинликларни Ғазодан чиқариб юбориш таклифини ижобий баҳолаб, Трампнинг Ғазо аҳолисига минтақани тарк этиш ва янги Ғазо тузиш имкониятини бериш режасини қўллаб-қувватлашини таъкидлади.