Аввалроқ, ижтимоий тармоқда Олмазор туманида йўловчи автобус ёниб кетгани ҳақида хабарлар тарқалди. Ҳолат юзасидан Тошкент шаҳар ФВБ маълумот берди.
Қайд этилишича, 20 февраль куни соат 07:41 да Тошкент шаҳар Олмазор тумани Тошкент халқа автомобиль йўли кўчасида автобусда ёнғин содир бўлаётгани тўғрисида Тошкент шаҳар ФВБга хабар келиб тушган.
Шунга кўра, ёнғин-қутқарув экипажи этилган манзилга соат 07:45 да етиб бориб, ёнғин соат 07:50 да ўчирилган. Ҳодиса оқибатида ҳалок бўлган ва жабрланганлар йўқ.