Унга кўра, бир банкда бир омонатчига тўланадиган компенсация қуйидаги миқдорни ташкил этади:
— Кафолатлаш объекти қолдиғининг тўлиқ ҳажмини, агар унинг миқдори 200 миллион сўм ёки ундан кам бўлса;
— 200 миллион сўмни, агар кафолатлаш объектининг қолдиғи 200 миллион сўмдан кўп бўлса.
— 200 миллион сўмни, агар кафолатлаш объектининг қолдиғи 200 миллион сўмдан кўп бўлса.
Қайд этилишича, банк тизимидаги барқарорликни таъминлаш учун янги институт Омонатларни кафолатлаш агентлиги ташкил этилди. Агентлик банклардан исталган вақтда кафолатлаш объектлари тўғрисидаги маълумотларни эгасизлантирилган тарзда, шу жумладан ўз мажбуриятларини бажариши учун кафолатлаш объектлари ва кафолатланган омонат суммаларини аниқлаш учун зарур бўлган ахборотни сўраб олади, шунингдек олинган ахборот бўйича тушунтириш берилишини талаб қилади.
Банкка қўйилган омонатни қайтариш муддати 7 кунгача камайтирилади. 2025 йил 1 январдан 20 кун, 2026 йил 1 январдан 15 кун, 2027 йил 1 январдан эса 7 кун бўлади.
Банк ёпилган тақдирда, компенсациялар агент-банк орқали тўланиши ёки омонатчининг бошқа банкларда очилган ҳисобварақларига ўтказилиши мумкин.