Ҳиндистонда футбол ўйини бошланишидан олдин петарда портлаши оқибатида 30 дан ортиқ киши жароҳат олди. Бу ҳақда NDTV телекомпанияси полицияга таяниб хабар берди.
"Полиция Керала штатининг Малаппурам шаҳридаги футбол майдонида петарда портлаши оқибатида 30 дан ортиқ киши жароҳатланганини маълум қилди," - дейилади баёнотда.
Полициянинг маълумотларига кўра, воқеа жорий йилнинг 17 февраль куни содир бўлган. Аниқланишича, футбол майдонида петардалардан фойдаланилган, улар портлаб, одамлар ўтирган жойларга сочилиб кетган.
Қайд этилишича, барча жабрланганлар яқин орадаги шифохонага етказилган. Жиддий жароҳатлар ҳақида хабар берилмаган.