Эстониянинг Ўзбекистондаги янги тайинланган Элчиси Яап Ора Ўзбекистон ТИВ вазирига ишонч ёрлиқларини топширди. Бу ҳақда Ўзбекистон ТИВ вазири ўзининг Telegram’даги расмий саҳифасида маълум қилди.
Ўзбекистон ва Эстония ўртасидаги икки ва кўп томонлама муносабатларнинг ҳозирги динамикасини муҳокамаси қилинди.
Учрашувда иқтисодий дипломатия, ахборот технологиялари, халқлар ўртасидаги алоқалар, маданият ва бошқа соҳалардаги ҳамкорликни ривожлантиришга алоҳида эътибор қаратилди.
Ўзбекистон ТИВ вазири Бахтиёр Саидов Элчига Ўзбекистонда муваффақиятли фаолият юритишида омад тилади.
