Бугун, 18 февраль куни Олмалиқдаги қамоқхонада 21 ёшлши маҳкум вафот этгани ҳақида хабар берган эдик. Бош пркоуратура Матбуот хизмати ҳолат юзасидан маълумот берди.
Аниқланишича, жорий йилнинг 11 февраль куни 7-сонли жазони ижро этиш колониясида жазо муддатини ўтаган маҳкум М.Т. бир қаватли бинонинг деворларини бузаётган вақтида девор қисми қулаб, босиб қолган.
Маҳкум М.Т. зудлик билан шифохонага жойлаштирилган. Бироқ, шифокорлар томонидан кўрсатилган тиббий муолажаларга қарамасдан маҳкум М.Турсинбаев 16 февраль куни шифохонада вафот этган.
Мазкур ҳолат бўйича ЖКнинг 257-моддаси (меҳнатни муҳофаза қилиш қоидаларини бузиш) билан жиноят иши қўзғатилган.
Ҳозирда Тошкент махсус прокуратураси томонидан тергов ҳаракатлари олиб борилмоқда.
