Жорий йилнинг 1 февраль куни Тошкентда 41 ёшли аёл қайтиб келмагани, орадан 5 кун ўтиб Тошкент вилоятидаги каналдан унинг жасади топилгани айтилган хабар ижтимоий тармоқларга сиздирилди. UzNews.uz сўровига жавобан Бош прокуратура матбуот хизмати раҳбари Ҳаёт Шамсутдинов ҳолат юзасидан маълумот берди.
Жорий йилнинг 6 февраль куни соат 16:00 атрофида Тошкент вилояти Зангиота тумани Наврўз кўчасидан ўтаётган "Салар" каналидан шахси номаълум мурда топилган. Тезкор суриштирув давомида ушбу мурда Д.А. эканлиги аниқланган.
Ўлим сабабини аниқлаш мақсадида суд тиббиёт экспертизаси тайинланган. Текшириш харакатлари олиб борилмокда.
