Қашқадарё вилояти Қарши шаҳар туғруқхонасида 1 октябрь куни 3 нафар эгизак — Шавкат, Миромон ва Мирзиё туғилди. Эгизакларнинг учаласи ҳам ўғил болалар, дея хабар берди вилоят ССБ Ахборот хизмати.
Чақалоқларнинг онаси Шаҳло Ҳусанова 30 ёшда, вилоят тери-таносил шифохонасида ҳамшира бўлиб ишлайди. Отаси Искандар Муродов эса 37 ёшда ва у Миллий гвардия ходими.
Эгизаклардан бирининг вазни 2,1, иккинчисиники 2,4 ва учинчисиники 2,2 килограммдан иборат. Айни пайтда оиладаги болалар сони 5 нафарга етди. Бунгача Муродовларнинг бир ўғил, бир қизи бўлган.