Қозоғистонда 2022 йил январь ойида содир этилган тартибсизликлар пайтида қарийб уч минг дона қурол ўғирланган. Бу ҳақда республика ИИВ хабар берди. "Бўзғолонлар давомида 2960 дона хизмат ва фуқаро қуроллари ўғирлаб кетилган," - дейилади хабарда.
Январ ойида ҳуқуқ-тартибот идоралари Чимкент чеккасидаги қабристон ёнидан тўртта силлиқ стволли милтиқ ва турли хил ўқ-дорилар, жумладан, 2022 йилда тартибсизликлар пайтида Олмаотадаги қурол-яроғ дўконидан ўғирланган қуролларни қўлга киритган. Бундан ташқари, Костанай вилояти фуқароси уйининг ертўласидан Калашниковнинг учта автомати топилган. Ҳозирда жиноят иши қўзғатилган.
Сўнгги уч йилда ўтказилган тезкор тадбирлар, тинтув ва рейдлар натижасида ҳуқуқ-тартибот идоралари ходимлари томонидан 8 мингга яқин ўқотар ва жароҳатловчи қуроллар, 831 дона граната, 112 мингдан ортиқ турли калибрли патронлар ҳамда 722 та қурол-яроғ яширилган жой аниқланиб, мусодара қилинган.
Қозоғистон ИИВ расмий вакили Шынгыс Алекешевнинг қўшимча қилишича, олиб қўйилган қолган 6765 дона қурол бўйича экспертиза тайинланган, уларнинг рўйхатга олиш рақамлари ёвуз ниятли шахслар томонидан йўқ қилинган ва ўчирилган.
Ўтган йили Қозоғистон президенти Қасим-Жомарт Тоқаев 2022 йил январь ойида Қозоғистондаги оммавий тартибсизликларга ижтимоий-иқтисодий муаммолар ва жамиятдаги умумий турғунлик сабаб бўлганини айтган эди.