Новосибирск вилоятида икки автомобиль тўқнашуви оқибатида беш киши ҳалок бўлди, уч киши жароҳат олди, дея хабар бермоқда Россия ИИВ ҳудудий бошқармаси матбуот хизмати.
"Бугун, 4 февраль куни соат 12:00 атрофида Усть-Тарка ва Богословка аҳоли пунктлари ўртасидаги автомобиль йўлининг 6-километрида Mazda ва Жигули автомобили тўқнашуви содир бўлган. ЙТҲ оқибатида 5 киши ҳалок бўлган, 3 киши жароҳат олган," - дейилади хабарда.
Ҳозирда воқеа жойида масъул ходимлар иш олиб бормоқда, ҳодиса тафсилотлари ўрганилмоқда.
