Биз ахборот майдонини мунтазам равишда кузатиб борамиз. Ушбу видео интернетда топилиши биланоқ, Россия томонига дипломатик каналлар орқали зудлик билан мурожаат қилинган. Бундай пайтларда асл манбани топиш ва материалнинг ҳақиқийлигини текшириш жуда муҳим”, — деди ТИВ матбуот котиби Аҳрор Бурхонов.
“Текширув натижасида ушбу материал провокацион хусусиятга эга бўлиб, халқларимиз ўртасидаги муносабатларга нифоқ солишга уринаётган бузғунчи кучлар томонидан тўқиб чиқарилгани аниқланди”, — деди Ахрор Бурхонов.
“Россия томонининг хабар беришича, видеода тилга олинган шахс Россия Федерацияси фуқароси эмас. Ҳозирда Россиянинг расмий ОАВлари ҳам бу борасида қатор материалларни эълон қилмоқда. Оммавий ахборот воситаларининг кун тартибида вақти-вақти билан баъзи воқеалар ёки баёнотлар туфайли бўронлар пайдо бўлади. Лекин улар воқеликни тўғри акс эттира олмаслиги ва баъзида уни жуда бузиб кўрсатиши мумкин. Яна бир бор барчага ҳар қандай ахборот материалини тарқатишда масъулият билан ёндашиш зарурлигини эслатиб ўтамиз. Биз тасдиқланмаган манбалардан олинган контентни тарғиб қилишни номақбул деб ҳисоблаймиз”, — деди ТИВ матбуот котиби.