Аввалроқ, American Airlines авиакомпанияси йўловчи самолёти ҳамда АҚШ армиясининг Black Hawk вертолёти ҳаводаги тўқнашувдан кейин Потомак дарёсига қулаганлиги ҳақида хабар қилган эдик. Ушбу тўқнашув 30 январга ўтар кечаси Вашингтондаги Роналд Рейган номидаги аэропорт яқинида рўй берган.
Президент Шавкат Мирзиёев ушбу фожиали авиаҳалокат оқибатида кўплаб инсонлар ҳалок бўлгани муносабати билан АҚШ Президенти Дональд Трампга таъзия мактуби йўллади.
Давлат раҳбари марҳумларнинг оила аъзолари ва яқинларига, бутун Америка халқига чуқур ҳамдардлик изҳор этди.
Маълумот ўрнида, самолёт бортида 64 киши бўлган: 60 йўловчи ва экипажнинг тўрт нафар аъзоси.
NBC News’нинг хабарига кўра,Жонли янгиланишлар: American Eagle самолёти ва АҚШ армиясига тегишли вертолёт тўқнашиб, Потомак дарёсига қулаганидан сўнг, барча йўловчилар ҳалок бўлган деб тахмин қилинмоқда.