Филаделфияда автомобиль маҳаллий футбол жамоаси FC Eagles'нинг Суперкубокдаги ғалабасини - АҚШда бўлиб ўтган Миллий Футбол Лигаси (NFL) финал ўйинини нишонлаётган одамлар тўдасини босиб кетди. Бу ҳақда Американинг NBC телеканали полиция ва гувоҳларга таяниб хабар берди.
"Полициянинг хабар беришича, "Eagles" жамоаси "Washington Commanders"ни мағлуб этиб, Суперкубок йўлланмасини қўлга киритганидан сўнг, тахминан 21:30 атрофида (маҳаллий вақт билан, 27 январь куни соат 04:00) Норт-Брод ва Спринг-Гарден кўчаларида ғалабани нишонлаётган бир гуруҳ одамларни уриб юборган," - дейилади хабарда.
Гувоҳлардан бирининг сўзларига кўра, машина катта тезликда камида 30 кишини босиб кетган. Бундан ташқари, воқеадан олдин автомобиль ҳайдовчиси бир гуруҳ одамлар билан баҳслашганини, шундан сўнг атайлаб оломонни уриб юборганини айтди.
Полициянинг хабар беришича, ҳодиса оқибатида бир неча киши шифохонага етказилган. Жабрланганларнинг аниқ сони ва уларнинг аҳволи тафсилотлари ҳозирча аниқлаштирилмаган.
Ҳайдовчи қўлга олинган, унинг шахси ва унга қўйиладиган айбловлар ҳам ошкор этилмаган.