Тошкент шаҳар жиноят ишлари бўйича Яккасарой туман суди 1962 йилда туғилган эркакка нисбатан жазо тайинланди. Бу ҳақда Олий суд порталида маълумот келтирилган.
Ҳуқуқбузар 2025 йил январь ойининг 22 куни 16:30 да бошқарувидаги Matiz’да йўловчи талаба қиз Н.Х.га билан Яккасарой туманидаги университетга кетаётганида Н.Х.га қадди-қоматини тавсифлаб, уни оёғига тегиниб, унга шаҳвоний шилқимлик қилган.
Суд мажлисида ҳуқуқбузар М.С. айбига қисман иқрорлик билдирган. Унинг сўзларига кўра, ҳақиқатдан ҳам 22 январь куни соат 16:30 да бошқарувидаги Matiz’да ҳаракатланиб кетаётганида, Зангиота туманидан бир йўловчини университетга олиб келиб қўйиш учун олган. Эркак автомашинасида мусиқани овозини баланд қилиб эшитиб кетганида, автомашинанинг орқа ойнаси очиқлиги сабабли, автомашинанинг салони совиб кетган, шунда у орқа ойнани
ёпмоқчи бўлиб қўлини чўзган вақтида қўли бехосдан Н.Х.нинг оёғига тегиб кетган.
Шунда у талаб қизни университетига олиб келиб қўйган вақтида Н.Х. автомашинанинг эшигини қаттиқ ёпиб тушиб кетган. Эркак эса Н.Х.га автомашинани эшигини қаттиқ ёпмаслигини айтиб бақирган.
Суд қарори билан эркак МЖтКнинг 411-моддаси 1-қисмида назарда тутилган ҳуқуқбузарликни содир қилган деб топилсин ва унга 5 сутка маъмурий қамоқ жазоси тайинланган.