20 ёшли ўзбекистонлик ҳимоячи Абдуқодир Ҳусановнинг агенти Гайрат Ҳасбиуллин футболчининг Англиянинг "Манчестер Сити" клубига ўтишига Франциянинг "Ланс" клубидаги молиявий вазият қандай ёрдам бергани ҳақида сўзлаб берди.
"Французларга бу қутқарув пуллари кераклиги таъсир қилди. Ёзда "Ланс"нинг трансферлари амалга ошмай қолди. Клубда Дансо ва Ал-Айнауи қолишди - бу минус 50 миллион евро. Трансляциядан тушадиган пуллар ҳам камайди ва молиявий фэйр-плей бўшлиқни ёпиш керак эди. Ушбу 50 миллион еврони зудлик билан компенсация қилиш талаб қилинган. Кутилмаганда Ҳусановнинг трансфери клуб учун нажоткор бўлди.
Албатта, биз худбинлик қилиб, рад этишимиз ва ёз келишини кутишимиз мумкин эди, чунки у ўйнаётганди, ҳаммаси яхши кетаётган эди, лекин "Ланс" биз учун кўп иш қилди. Вазиятни тушунган ҳолда қараб чиқдик. Ушбу трансферда ҳеч қандай фитна, миш-миш ва бошқалар бўлмаганини пайқаган бўлишингиз мумкин," - деди Ҳасбиуллин.
Эслатиб ўтамиз, Ўзбекистон МТЖ ҳимоячиси Абдуқодир Ҳусанов "Ланс"дан Англиянинг "Манчестер Сити" клубига 45+5 млн евро эвазига кўчиб ўтгани ҳақида хабар берган эдик.